ham udaasi ke parastaar sahi — Nishant Shrivastava Nayab

vo chaahte hain ki manzil kaa zikr to aae
magar kahaani se rasta haTaa liyaa jaae

ye ishq hi thaa jis se mili shohratein tumhein
varna tumhaaraa shahr tumhein jaantaa na thaa

sivaa us ke na koi aur meraa dost ban paae
vo is Dar se zamaana mein mujhe badnaam kartaa hai

chhaate matlab kho dete hain
kyon itni baarish hoti hai

dhuup jhumke pe jab paDi us ke
Dar ke suraj ne pher li aankhein

khulte khulte mujh pe khulaa ye
main bhi duniyaa ke jaisaa huun

ye aansu ponchh lijiye aur muskuraaiye
chaara nahin hai koi bhi rukhsat kiye baghair

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

main ne apni palkon par gham-kade sajaae hain
aarzu ke maatam mein sogvaar hasti hai

husn jalva dikhaa gayaa apnaa
ishq baiThaa rahaa udaas kahin

ham haal to kah sakte hain apnaa pa kahein kyaa
jab vo idhar aate hain to tanhaa nahin aate