jaane ko jaae fasl-e-gul aane ko aae har baras — Nooh Narvi

dil unhein deinge magar ham deinge in sharton ke saath
aazmaa kar jaanch kar sun kar samajh kar dekh kar

jab zikr kiyaa main ne kabhi vasl kaa un se
vo kahne lage paak mohabbat hai baDi chiiz

vo haath mein talvaar liye sar pe khaDe hain
marne nahin deti mujhe marne ki khushi aaj

jo ahl-e-zauq hain vo lutf uThaa lete hain chal phir kar
gulistaan kaa gulistaan mein bayaabaan kaa bayaabaan mein

koi yahaan se chal diyaa raunaq-e-baam-o-dar nahin
dekh rahaa huun ghar ko main ghar hai magar vo ghar nahin

nuuh baiThe hain chaarpaai par
chaarpaai pe nuuh baiThe hain

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

dil gayaa raunaq-e-hayaat gai
gham gayaa saari kaaenaat gai

qismat mein khushi jitni thi hui aur gham bhi hai jitnaa honaa hai
ghar phunk tamaashaa dekh chuke ab jangal jangal ronaa hai

mumkin hai ki sadiyon bhi nazar aae na suraj
is baar andheraa mire andar se uThaa hai