apni hi zaat ke mahbas mein samaane se uThaa — Obaidur Rahman

koi dimaagh se koi sharir se haaraa
mein apne haath ki andhi lakir se haaraa

mere jazbaat aansuon vaale
sher sab hichkiyon se likhtaa huun

bachchon ko ham na ek khilaunaa bhi de sake
gham aur baDh gayaa hai jo tyauhaar aae hain

hamein hijrat samajh mein itni aai
parinda aab-o-daana chaahtaa hai

nazar mein duur talak rahguzar zaruri hai
kisi bhi samt ho lekin safar zaruri hai

aangan aangan khuun ke chhinTe chehra chehra be-chehra
kis kis ghar kaa zikr karun mein kis kis ke sadmaat likhun

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

lazzat-e-dard-e-jigar yaad aai
phir tiri pahli nazar yaad aai

vaqt ik zarb lagaae to ghazal hoti hai
dard agar dil mein samaae to ghazal hoti hai