ye Thiik hai nahin martaa koi judaai mein — Qateel Shifai

abhi to baat karo ham se doston ki tarah
phir ikhtilaaf ke pahlu nikaalte rahnaa

aakhri hichki tire zaanun pe aae
maut bhi main shaairaana chaahtaa huun

apne haathon ki lakiron mein sajaa le mujh ko
main huun teraa tu nasib apnaa banaa le mujh ko

nikal kar dair-o-kaaba se agar miltaa na but-khaana
to Thukraae hue insaan khudaa jaane kahaan jaate

kyuun sharik-e-gham banaate ho kisi ko ai 'qatil'
apni suuli apne kaandhe par uThaao chup raho

ab jis ke ji mein aae vahi paae raushni
ham ne to dil jalaa ke sar-e-aam rakh diyaa

sau sau tarah ke vasl ne marham rakhe vale
zakhm-e-firaaq hain mire vaise hi tar hanuz

judaaiyaan to muqaddar hain phir bhi jaan-e-safar
kuchh aur duur zaraa saath chal ke dekhte hain

pakDaa huun kinaara-e-judaai
jaari mire ashk ki nadi hai

is dard-e-judaai se kahin jaan nikal jaae
'aazurdaa' mire haq mein zaraa yuun bhi duaa kar

Tuk khabar le ki har ghaDi ham ko
ab judaai bahut sataati hai

duriyaan simaTne mein der kuchh to lagti hai
ranjishon ke miTne mein der kuchh to lagti hai