miThi baatein, kabhi talkh lahje ke tiir — Quaiser Khalid

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

ho paae kisi ke ham bhi kahaan yuun koi hamaaraa bhi na huaa
kab Thahri kisi ik par bhi nazar kyaa chiiz hai shahr-e-khubaan bhi

mohmal hai na jaanein to, samjhein to vazaahat hai
hai ziist faqat dhokaa aur maut haqiqat hai

ab is tarah bhi rivaayat se inhiraaf na kar
badal agarche tu achchhaa na de, kharaab to de

Daal di pairon mein us shakhs ke zanjir yahaan
vaqt ne jis ko zamaane mein uchhalte dekhaa

kuchh tu hi bataa aakhir kyun-kar tire bandon par
har shab hai nai aafat har roz musibat hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

mohabbat karne vaale dard mein tanhaa nahin hote
jo ruThoge kabhi mujh se to apnaa dil dukhaaoge

kunj-e-hairat se chale dasht-e-ziyaan tak laae
kaun laa saktaa hai ham dil ko jahaan tak laae

tum ne kyuun dil mein jagah di hai buton ko 'saabir'
tum ne kyuun kaaba ko but-khaana banaa rakkhaa hai

pahli nazar bhi aap ki uff kis balaa ki thi
ham aaj tak vo choT hain dil par liye hue