dil kaa sukun rizq ke hangaame khaa gae — Ram Awtar Gupta Muztar

navaazaa hai mujhe patthar se jis ne
use main phuul de kar dekhtaa huun

shaam-e-avadh ne zulf mein gundhe nahin hain phuul
tere baghair subh-e-banaras udaas hai

teraa honaa na maan kar goyaa
tujh ko taslim kar rahaa huun main

duniyaa tere naam se mujh ko pahchaane
ishq mein aisaa rusvaa kar de yaa-allaah

lamha lamha bikhar rahaa huun main
apni takmil kar rahaa huun main

rah-e-qaraar ajab raah-e-be-qaraari hai
ruke hue hain musaafir safar bhi jaari hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jab tumhaari aarzu baaqi nahin
dil dhaDaktaa hai na jaane ke liye

dhire dhire sar mein aa kar bhar gayaa barson kaa shor
rafta rafta aarzu-e-dil dhuaan hone lagi

jhuuT hai dil na jaan se uThtaa hai
ye dhuaan darmiyaan se uThtaa hai

dil ke bajaae kaise vo pahlu mein aa gayaa
ai shaikh-ji paDhaa ye sabaq kis kitaab mein