navaazaa hai mujhe patthar se jis ne — Ram Awtar Gupta Muztar

shaam-e-avadh ne zulf mein gundhe nahin hain phuul
tere baghair subh-e-banaras udaas hai

teraa honaa na maan kar goyaa
tujh ko taslim kar rahaa huun main

dil kaa sukun rizq ke hangaame khaa gae
sukh aadmi kaa chand nivaalon ne Das liyaa

duniyaa tere naam se mujh ko pahchaane
ishq mein aisaa rusvaa kar de yaa-allaah

lamha lamha bikhar rahaa huun main
apni takmil kar rahaa huun main

rah-e-qaraar ajab raah-e-be-qaraari hai
ruke hue hain musaafir safar bhi jaari hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gul kiyaa jis ne vo thaa aur magar
shama ne shikva havaaon se kiyaa

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

gulaabon ke honTon pe lab rakh rahaa huun
use der tak sochnaa chaahtaa huun

mujhe us junun ki hai justuju jo chaman ko bakhsh de rang o bu
jo naved-e-fasl-e-bahaar ho mujhe us nazar ki talaash hai