dil ki baazi aisi baazi hai jis mein ham — Renu Nayyar

ab zabaan tak aa gaiin hai talkhiyaan
ab hamein fauran nikalnaa chaahiye

shisha-sifat the aap aur shisha-sifat the ham
bikhre hue se aap hain bikhre hue se ham

kisi bhi hashr se mahrum hi rahaa vo bhi
miri tarah kaa jo kirdaar thaa kahaani mein

abhi manzar badalte hi badal jaaeinge sab chehre
bichhaDte vaqt kaa gham hai abhi tu nam na kar aankhein

khudaa se use maang kar dekhte hain
phir apni duaa kaa asar dekhte hain

tiri nazron se guzri rahguzar bhi
hazaaron manzilon kaa raasta hai

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai