mere ghar mein ghair ke Dar se kabhi chhup jaaiye — Riyaz Khairabadi

mai-khaane mein mazaar hamaaraa agar banaa
duniyaa yahi kahegi ki jannat mein ghar banaa

aap aae to khayaal-e-dil-e-naashaad aayaa
aap ne yaad dilaayaa to mujhe yaad aayaa

ghurur bhi jo karun main to aajizi ho jaae
khudi mein lutf vo aae ki be-khudi ho jaae

ham jaante hain lutf-e-taqaazaa-e-mai-farosh
vo naqd mein kahaan jo mazaa hai udhaar mein

baDe paak tinat baDe saaf baatin
'riyaaz' aap ko kuchh hamin jaante hain

aisi hi intizaar mein lazzat agar na ho
to do ghaDi firaaq mein apni basar na ho

ik khauf saa darakhton pe taari thaa raat-bhar
patte laraz rahe the havaa ke baghair bhi

ek isi baat kaa thaa Dar us ko
mujh mein inkaar ki bhi himmat thi

be-vaqufi ke anokhe kaarnaame dekh kar
achchhe-khaase leaderon ko bhi gadhaa kahnaa paDaa

chhin gai kursi to leader par uThaa liin kursiyaan
jin pe takiya thaa vahi patte havaa dene lage

bhiik de kar na jaane kyaa leinge
ik bhikaaran Dari Dari soche

tum ne likkhaa hai mire khat mujhe vaapas kar do
Dar gaiin husn-e-dil-aavez ki rusvaai se