ye umr bhar kaa safar hai isi sahaare par — Sabir Waseem

jaane kis ki aas lagi hai jaane kis ko aanaa hai
koi rail ki siiTi sun kar sote se uTh jaataa hai

pahlaa patthar yaad hamesha rahtaa hai
dukh se dil aabaad hamesha rahtaa hai

khvaab tumhaare aate hain
niind uDaa le jaate hain

kaisaa jhuTaa sahaaraa hai ye dukh se aankh churaane kaa
koi kisi kaa haal sunaa kar apnaa-aap chhupaataa hai

dekho aisaa ajab musaafir phir kab lauT ke aataa hai
dariyaa us ko rasta de kar aaj talak pachhtaataa hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

na bazm apni na apnaa saaqi na shisha apnaa na jaam apnaa
agar yahi hai nizaam-e-hasti to zindagi ko salaam apnaa