naqd-e-dil kaa baDaa taqaazaa hai — Sakhi Lakhnvi

ham un se aaj kaa shikva kareinge
ukhaaDeinge vo barson ki gaDi baat

na aashiq hain zamaane mein na maashuq
idhar ham rah gae hain aur udhar aap

baat karne mein honT laDte hain
aise takraar kaa khudaa-haafiz

dard ko gurda taDapne ko jigar
hijr mein sab hain magar dil to nahin

dafn ham ho chuke to kahte hain
is gunahgaar kaa khudaa-haafiz

ek do tiin chaar paanch chhe saat
yunhi gin leinge kam ke kyaa maani

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil bayaaz-e-umr ki auraaq-gardaani mein hai
kyaa khabar hai kaun saa safha khulaa rah jaaegaa

dil us chashm ko vo dil-e-zaar ko
ki dekhe hai bimaar bimaar ko

roz ik baat mire dil ko sataati hai 'ziyaa'
is qadar TuuT ke tum ne use chaahaa kyuun hai

kitni dilkash hain ye baarish ki phuvaarein lekin
aisi baarish mein miri jaan bhi jaa sakti hai