dil us chashm ko vo dil-e-zaar ko — Tasveer Dehlvi

dil ko ro baiThe ki dil le ke vo ghar baiTh rahe
ham idhar baiTh rahe aur vo udhar baiTh rahe

aisaa tire firaaq mein bimaar ho gayaa
main chaaraagar ki jaan ko aazaar ho gayaa

tamannaa jo na rakhtaa ho jhukaae vo nazar kis se
use shaadi o gham kis kaa use suud o zarar kis se

vo kaun si jafaa hai ki jo tum ne ki nahin
vo kaun saa sitam hai jo main ne sahaa nahin

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

lagtaa hai judaa sab se kirdaar 'vasim' us kaa
vo shahr-e-mohabbat kaa baashinda nazar aae

tumhein ye 'ishq bichhaD kar samajh mein aaegaa
charaagh bujhte hain tab jaa ke raat khulti hai

zahr hai mere rag-o-pai mein mohabbat shaayad
apne hi Dank se bichchhu ki tarah mar jaaun

jaada-e-raah-e-mohabbat ki daraazi mat puchh
manzil-e-shauq kaa har zarra bayaabaan niklaa