jis aag se dil sulag rahe the — Saleem Ahmed

khush-numaa lafzon ki rishvat de ke raazi kijiye
ruuh ki tauhin par aamaada rahtaa hai badan

main gham ko basaa rahaa huun dil mein
be-ghar ko makaan de rahaa huun

ghar mein kuchh kam hai ye ehsaas bhi hotaa hai 'salim'
ye bhi khultaa nahin kis shai ki kami lagti hai

jaane andar kyaa huaa main shor sun kar ai 'salim'
us jagah pahunchaa to dekhaa band vo darvaaza thaa

ik aag si jalti rahi taa-umr lahu mein
ham apne hi ehsaas mein pakte rahe taa-der

jitnaa aankh se kam dekhun
utni duur dikhaai de

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

diip jalte hain dilon mein ki chitaa jalti hai
ab ki divaali mein dekheinge ki kyaa hotaa hai

vusat-e-dil are maaaz allaah
saari duniyaa samaai jaati hai

har baat kaa ehsaas mire dil se miTaa de
zinda mujhe rakhnaa hai to divaana banaa de