mohabbat to kisi se kar na paae — Sandeep Gupte

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

koi hayaat ke maani bataa ke samjhaae
tavil kyaa hai bhalaa mukhtasar kaa kyaa matlab

jab bhi kashti bhanvar mein aai hai
ik du'aa bhi asar mein aai hai

hamein qubul nahin chhoTaa munh baDi baatein
misaal bante hain aur phir misaal dete hain

sirf kahne ko hai nai duniyaa
vo hi dastur hai vahi duniyaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

maan ban chuki huun main bhi magar us se kyaa kahun
jo apni maan ke pyaar se aage na jaa sakaa

ain mumkin hai use mujh se mohabbat hi na ho
dil bahar-taur use apnaa banaanaa chaahe

maraz-e-ishq ko shifaa samjhe
dard ko dard ki davaa samjhe

ham ne iraada tark-e-tamannaa kaa jab kiyaa
teraa khayaal ai dil-e-naakaam aa gayaa