ye jo main itni sahulat se tujhe chaahtaa huun — Saud Usmani

khvaahish hai ki khud ko bhi kabhi duur se dekhun
manzar kaa nazaara karun manzar se nikal kar

ye to duniyaa bhi nahin hai ki kinaaraa kar le
tu kahaan jaaegaa ai dil ke sataae hue shakhs

vo chaahtaa thaa ki dekhe mujhe bikharte hue
so us kaa jashn ba-sad-ehtimaam main ne kiyaa

kisi alaav kaa shoala bhaDak ke boltaa hai
safar kaThin hai magar ek baar aakhiri baar

barun-e-khaak faqat chand Thekre hain magar
yahaan se shahr mileinge agar khudaai hui

itni siyaah-raat mein itni si raushni
ye chaand vo nahin miraa mahtaab aur hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

intizaar aur dastakon ke darmiyaan kaTti hai umr
itni aasaani se to baab-e-hunar khultaa nahin

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe