baagh kaa dard usi phuul ke dil se puchho — Shahab Sarmadi

nahin ki zindagi hamein kahaan kahaan liye phiri
hai yuun ki ham gae use kahaan kahaan liye hue

chaand hai teraa ham-safar koi nahin hai raahbar
aage qadam baDhaa ke rakh duur ki raushni na dekh

tum khud hi chale aaoge shaayad sar-e-manzil
ik raah nikaali hai miri dar-badari ne

is ehtimaam se aksar uThe hain paimaane
ki buund buund ko main jaanon yaa khudaa jaane

tiraa khayaal de gayaa hai aasraa kahin kahin
tiraa firaaq hausle baDhaa gayaa kabhi kabhi

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

aavaazon kaa bojh uThaae sadiyon se
banjaaron ki tarah guzaara kartaa huun

gham se nisbat hai jinhein zabt-e-alam karte hain
ashk ko zinat-e-daamaan nahin hone dete

hindu se puchhiye na musalmaan se puchhiye
insaaniyat kaa gham kisi insaan se puchhiye