jaati hai dhuup ujle paron ko sameT ke — Shakeb Jalali

aalam mein jis ki dhuum thi us shaahkaar par
dimak ne jo likhe kabhi vo tabsire bhi dekh

dil saa anmol ratan kaun kharidegaa 'shakeb'
jab bikegaa to ye be-daam hi bik jaaegaa

rote hain dil ke zakhm to hanstaa nahin koi
itnaa to faaeda mujhe tanhaaiyon se hai

khud apni aag se shaayad gudaaz ho jaaein
paraai aag se kab sang-dil pighalte hain

ham-safar rah gae bahut pichhe
aao kuchh der ko Thahar jaaein

jo motiyon ki talab ne kabhi udaas kiyaa
to ham bhi raah se kankar sameT laae bahut

sahj yaad aa gayaa vo laal holi-baaz juun dil mein
gulaali ho gayaa tan par mire khirqa jo ujlaa thaa

zindagi kahte hain kis ko maut kis kaa naam hai
mehrbaani aap ki naa-meharbaani aap ki

hamaari zindagi-o-maut ki ho tum raunaq
charaagh-e-bazm bhi ho aur charaagh-e-fan bhi ho

umr-bhar jis ke liye aankhein rahi hain farsh-e-raah
vo ajal kaa qaasid-e-farkhanda-gaam aa hi gayaa

maut ko ham ne kabhi kuchh nahin samjhaa magar aaj
apne bachchon ki taraf dekh ke Dar jaate hain

shukr kiije ki maut hai varna
zindagi se hamein bachaataa kaun