khud apni aag se shaayad gudaaz ho jaaein — Shakeb Jalali

aalam mein jis ki dhuum thi us shaahkaar par
dimak ne jo likhe kabhi vo tabsire bhi dekh

dil saa anmol ratan kaun kharidegaa 'shakeb'
jab bikegaa to ye be-daam hi bik jaaegaa

rote hain dil ke zakhm to hanstaa nahin koi
itnaa to faaeda mujhe tanhaaiyon se hai

ham-safar rah gae bahut pichhe
aao kuchh der ko Thahar jaaein

jaati hai dhuup ujle paron ko sameT ke
zakhmon ko ab ginungaa main bistar pe leT ke

jo motiyon ki talab ne kabhi udaas kiyaa
to ham bhi raah se kankar sameT laae bahut

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kyuun girafta-dil nazar aati hai ai shaam-e-firaaq
ham jo tere naaz uThaane ke liye maujud hain

dil-e-aafat-zada kaa muddaaa kyaa
shikasta saaz kyaa us ki sadaa kyaa

main ne ibaadaton ko mohabbat banaa diyaa
aankhein buton ke saath rahin dil khudaa ke saath

jab dil pe chhaa rahi hon ghaTaaein malaal ki
us vaqt apne dil ki taraf muskuraa ke dekh