dil saa anmol ratan kaun kharidegaa 'shakeb' — Shakeb Jalali

aalam mein jis ki dhuum thi us shaahkaar par
dimak ne jo likhe kabhi vo tabsire bhi dekh

rote hain dil ke zakhm to hanstaa nahin koi
itnaa to faaeda mujhe tanhaaiyon se hai

khud apni aag se shaayad gudaaz ho jaaein
paraai aag se kab sang-dil pighalte hain

ham-safar rah gae bahut pichhe
aao kuchh der ko Thahar jaaein

jaati hai dhuup ujle paron ko sameT ke
zakhmon ko ab ginungaa main bistar pe leT ke

jo motiyon ki talab ne kabhi udaas kiyaa
to ham bhi raah se kankar sameT laae bahut

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil ke andar bhi chaar khaane hain
koi kaise na bad-gumaan hogaa

na baat dil ki sunun main na dil sune meri
ye sard jang hai apne hi ik mushir ke saath

aaina dil kaa toD ke kahtaa hai sang-zan
dil teraa toD kar mujhe achchhaa nahin lagaa

kis tarah kar diyaa dil-e-naazuk ko chur-chur
is vaaqia ki khaak hai patthar ko ittilaaa