chup huun tumhaaraa dard-e-mohabbat liye hue — Shamim Karhani

piine ko is jahaan mein kaun si mai nahin magar
ishq jo baanTtaa hai vo aab-e-hayaat aur hai

bujhaa hai dil to na samjho ki bujh gayaa gham bhi
ki ab charaagh ke badle charaagh ki lau hai

lijiye bulaa liyaa aap ko khayaal mein
ab to dekhiye hamein koi dekhtaa nahin

vo dil bhi jalaate hain rakh dete hain marham bhi
kyaa turfa tabiat hai shola bhi hain shabnam bhi

be-khabar phuul ko bhi khinch ke patthar pe na maar
ki dil-e-sang mein khvaabida sanam hotaa hai

yaad-e-maazi gham-e-imroz umid-e-fardaa
kitne saae mire hamraah chalaa karte hain

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

shabnam ke aansu phuul par ye to vahi qissa huaa
aankhein miri bhigi hui chehra tiraa utraa huaa

dekh kar meraa dasht-e-tanhaai
rang-e-ru-e-bahaar utraa hai

khud ko is bhiiD mein tanhaa nahin hone deinge
maan tujhe ham abhi buDhaa nahin hone deinge