saaqi kaa aur sharaab kaa ho zikr baar baar — Shaukat Jamal

chaahte to the mire aghyaar tu paidaa na ho
phir bhi ye himmat hai teri tu agar paidaa huaa

bolin ki kaam karne ki khugar nahin huun main
biivi huun aap ki koi shauhar nahin huun main

pi gai thi ghol kar 'aazaad' ki aab-e-hayaat
tab kahin ghar mein mire tujh saa pisar paidaa huaa

khaanaa khulne kaa hi elaan agar farmaa dein
ham ye samjheinge ki taqrir-e-sadaarat bakhshi

mumkin nahin ghazab se bachein ham janaab ke
baalishtiyon ko bhi na agar sarv saa likhein

facebōk hi aaj-kal chaupaal hai
chauk par milte kahaan hain chaar dost

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

qadam yuun be-khatar ho kar na mai-khaane mein rakh denaa
bahut mushkil hai jaan o dil ko nazraane mein rakh denaa

mar gayaa huun pe ta'alluq hai ye mai-khaane se
mere hisse ki chhalak jaati hai paimaane se

us ke shikasta vaar kaa bhi rakh liyaa bharam
ye qarz ham ne zakhm ki surat adaa kiyaa

palkein hain ki sargoshi mein khushbu kaa safar hai
aankhon ki khamoshi hai ki aavaaz kaa chehra