na aastin mein khanjar na lab pe shirini — Shehzad Anjum Burhani

aaj ki raat hai bahut bhaari
aaj ki raat bas guzar jaae

dil ki hi kisi baat ko tahrir na kar paae
likhne pe jab aae the to kyaa kyaa nahin likkhaa

ye kyaa ki khayaalon se uDi jaati hai khushbu
main ne to abhi tak use sochaa bhi nahin hai

'arzi insaaf ki ham ne bhi lagaa rakkhi hai
dekhiye zill-e-ilaahi hamein kab puchhte hain

zamaana jin ki qayaadat mein gaamzan thaa vo log
bhaTak gae tiri aankhon ki rahnumaai mein

abhi se falsafa-e-reg-zaar ki baatein
abhi to 'ishq ke maktab mein haaziri hui hai

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

har vaqt fikr-e-marg-e-gharibaana chaahiye
sehhat kaa ek pahlu marizaana chaahiye

tumhein jab ru-ba-ru dekhaa kareinge
ye sochaa hai bahut sochaa kareinge

hamaari jaan pe dohraa azaab hai 'mohsin'
ki dekhnaa hi nahin ham ko sochnaa bhi hai

apne majnun ki zaraa dekh to be-parvaai
pairahan chaak hai aur fikr silaane ki nahin