ham-safar ho to koi apnaa-saa — Shohrat Bukhari

ye kis azaab mein chhoDaa hai tu ne is dil ko
sukun yaad mein teri na bhulne mein qaraar

haan ai gham-e-ishq mujh ko pahchaan
dil ban ke dhaDak rahaa huun kab se

kuchh aisaa dhuaan hai ki ghuTTi jaati hain saansein
is raat ke baa'd aaoge shaayad na kabhi yaad

har samt falak-bos pahaaDon ki qataarein
'khusrav' hai na 'shirin' hai na tesha hai na farhaad

jab tujhe bhulnaa chaahaa dil ne
ik nae gham ki sazaa di ham ne

parde mein khamoshi ke burqe mein udaasi ke
shaayad koi aa jaae darvaaza khulaa rakhnaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe