gham-e-zamaana jab na ho gham-e-vajud DhunD luun — Tanveer Anjum

is khubi-e-qismat pe mujhe naaz bahut hai
vo shakhs miri jaan kaa talabgaar huaa hai

shahron ke saare jangal gunjaan ho gae hain
phir log mere andar sunsaan ho gae hain

duur tak ye raaste khaamosh hain
duur tak ham khud ko sunte jaaeinge

dukhon ke ruup bahut aur sukhon ke khvaab bahut
tiraa karam hai bahut par mire azaab bahut

TuuTi hai ye kashti to mire saath safar ko
vo jaan-e-masaafat miraa tayyaar huaa hai

fareb-e-qurb-e-yaar ho ki hasrat-e-supurdagi
kisi sabab se dil mujhe ye be-qaraar chaahiye

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

vo jo tark-e-rabt kaa ahd thaa kahin TuTne to nahin lagaa
tire dil ke dard ko dekh kar mire dil mein dard hai kis liye

shor saa ek har ik samt bapaa lagtaa hai
vo khamoshi hai ki lamha bhi sadaa lagtaa hai

baDaa viraan mausam hai kabhi milne chale aao
har ik jaanib tiraa gham hai kabhi milne chale aao