mehndi mire lahu ki mubaarak ho aap ko — Unknown

ye bhi to ik dalil hai us ke vajud ki
jab tak na maaniye use dil maantaa nahin

zaahid sharaab piine de masjid mein baiTh kar
yaa vo jagah bataa de jahaan par khudaa na ho

na khudaa hi milaa na visaal-e-sanam na idhar ke hue na udhar ke hue
rahe dil mein hamaare ye ranj-o-alam na idhar ke hue na udhar ke hue

kabhi teraa dar kabhi dar-ba-dar kabhi 'arsh par kabhi farsh par
gham-e-'aashiqi tiraa shukriya main kahaan kahaan se guzar gayaa

saliqe se havaaon mein jo khushbu ghol sakte hain
abhi kuchh log baaqi hain jo urdu bol sakte hain

mahfil mein chaar chaand lagaane ke baavajud
jab tak na aap aae ujaalaa na ho sakaa

kahte na the ham 'dard' miyaan chhoDo ye baatein
paai na sazaa aur vafaa kijiye us se

zaraa dekh aaina meri vafaa kaa
ki tu kaisaa thaa ab kaisaa lage hai

vo sitam na Dhaae to kyaa kare use kyaa khabar ki vafaa hai kyaa?
tu usi ko pyaar kare hai kyuun ye 'kalim' tujh ko huaa hai kyaa?

ye vaaz-e-vafaadaari 'aajiz' na badal denaa
vo zakhm tujhe deinge tum un ko ghazal denaa

ham ne to khud ko bhi miTaa Daalaa
tum ne to sirf bevafaai ki

aashnaa bevafaa nahin hotaa
bevafaa aashnaa nahin hotaa