mahfil mein chaar chaand lagaane ke baavajud — Unknown

ye bhi to ik dalil hai us ke vajud ki
jab tak na maaniye use dil maantaa nahin

zaahid sharaab piine de masjid mein baiTh kar
yaa vo jagah bataa de jahaan par khudaa na ho

na khudaa hi milaa na visaal-e-sanam na idhar ke hue na udhar ke hue
rahe dil mein hamaare ye ranj-o-alam na idhar ke hue na udhar ke hue

kabhi teraa dar kabhi dar-ba-dar kabhi 'arsh par kabhi farsh par
gham-e-'aashiqi tiraa shukriya main kahaan kahaan se guzar gayaa

saliqe se havaaon mein jo khushbu ghol sakte hain
abhi kuchh log baaqi hain jo urdu bol sakte hain

mehndi mire lahu ki mubaarak ho aap ko
rang-e-hinaa hai is mein aur bu-e-vafaa bhi hai

vo chaand hai to aks bhi paani mein aaegaa
kirdaar khud ubhar ke kahaani mein aaegaa

muddaton baa'd kabhi ai nazar aane vaale
iid kaa chaand na dekhaa tiri surat dekhi

baarish ke baa'd raat saDak aaina si thi
ik paanv paaniyon pe paDaa chaand hil gayaa

mujh ko maalum hai mahbub-parasti kaa azaab
der se chaand nikalnaa bhi ghalat lagtaa hai

shaah-balut ke uupar dekh
chaand dharaa hai thaali par

chaand ko tum aavaaz to de lo
ek musaafir tanhaa to hai