nayaa nayaa hai so kah lo ise akelaa-pan — Vijay Sharma

main bahut duur se aaya huun ik ummid liye
baiThne mat do magar naam to batlaane do

'arsh' bahaaron mein bhi aayaa ek nazaara patjhaD kaa
sabz shajar ke sabz tane par ik sukhi si Daali thi

nai nahin hai ye tanhaai mere hujre ki
maraz ho koi bhi hai chaaraagar se Dar jaanaa

ik mohabbat bhare cinema mein
mere marne kaa scene mere khvaab

ye bahs chhoD ke kitni hasin hai duniyaa
tu ye bataa ki teraa dil kahin lagaa ki nahin

ai zindagi kabhi inkaar kaa sabab bhi sun
main thak gayaa huun teri haan mein haan milaate hue

tez itnaa hi agar chalnaa hai tanhaa jaao tum
baat puuri bhi na hogi aur ghar aa jaaegaa

kuchh to tanhaai ki raaton mein sahaaraa hotaa
tum na hote na sahi zikr tumhaaraa hotaa

kuchh to miltaa hai maza saa shab-e-tanhaai mein
par ye maalum nahin kis se ham-aaghosh huun main

tu ne vahdat ko kar diyaa kasrat
kabhi tanhaa nazar nahin aataa

is hi buniyaad par kyuun na mil jaaein ham
aap tanhaa bahut ham akele bahut

tanhaai ki ye kaun si manzil hai rafiqo
taa-hadd-e-nazar ek bayaabaan saa kyuun hai