main bahut duur se aaya huun ik ummid liye — Vijay Sharma

'arsh' bahaaron mein bhi aayaa ek nazaara patjhaD kaa
sabz shajar ke sabz tane par ik sukhi si Daali thi

nayaa nayaa hai so kah lo ise akelaa-pan
phir is maraz ke kai aur naam aaeinge

nai nahin hai ye tanhaai mere hujre ki
maraz ho koi bhi hai chaaraagar se Dar jaanaa

ik mohabbat bhare cinema mein
mere marne kaa scene mere khvaab

ye bahs chhoD ke kitni hasin hai duniyaa
tu ye bataa ki teraa dil kahin lagaa ki nahin

ai zindagi kabhi inkaar kaa sabab bhi sun
main thak gayaa huun teri haan mein haan milaate hue

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

pyaaso raho na dasht mein baarish ke muntazir
maaro zamin pe paanv ki paani nikal paDe