zindagi ki hansi uDaati hui — Vikas Sharma Raaz

muddatein ho gaiin hisaab kiye
kyaa pataa kitne rah gae hain ham

iraada to nahin hai khud-kushi kaa
magar main zindagi se khush nahin huun

dekhnaa chaahtaa huun gum ho kar
kyaa koi DhunD ke laataa hai mujhe

jise dekho ghazal pahne hue hai
bahut sastaa ye zevar gayaa hai

asar hai ye hamaari dastakon kaa
jahaan divaar thi dar ho gayaa hai

mujh ko aksar udaas karti hai
ek tasvir muskuraati hui

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

ik 'umr tere saath chalaa bhi to kyaa milaa
ab sochtaa huun tujh se bichhaD kar hi dekh luun

dekhi hai 'umr bhar yahi be-chehra kaaenaat
do chaar pal vujud ke andar hi dekh luun

devtaa mere aangan mein utreinge kab zindagi bhar yahi sochtaa rah gayaa
mere bachchon ne to chaand ko chhu liyaa aur main chaand ko pujtaa rah gayaa