devtaa mere aangan mein utreinge kab zindagi bhar yahi sochtaa rah gay — Saghar Azmi

shohrat ki fazaaon mein itnaa na uDo 'saaghar'
parvaaz na kho jaae in unchi uDaanon mein

shaam Dhale ye soch ke baiThe ham apni tasvir ke paas
saari ghazlein baiThi hongi apne apne miir ke paas

tum kyaa jaano apne aap se kitnaa main sharminda huun
chhuT gayaa hai saath tumhaaraa aur abhi tak zinda huun

kashmir ki vaadi mein be-parda jo nikle ho
kyaa aag lagaaoge barfili chaTaanon mein

tum se milti-julti main aavaaz kahaan se laaungaa
taaj-mahal ban jaae agar mumtaaz kahaan se laaungaa

itnaa naaraaz ho kyuun us ne jo patthar pheinkaa
us ke haathon se kabhi phuul bhi aayaa hogaa

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

umr hi teri guzar jaaegi un ke hal mein
teraa bachcha jo savaalaat liye baiThaa hai

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai