zamin uThegi nahin aasmaan jhukegaa nahin — Wafa Naqvi

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

is bhiiD mein duniyaa ki ham tum na bichhaD jaaein
main tum pe nazar rakkhun tum mujh pe nazar rakhnaa

ab ye khvaahish hai karein log hamaari ghibat
phail jaaein tiri galiyon mein khabar ki surat

ab un se paai hai taklif to shikaayat kyaa
hamin ne sar pe chaDhaayaa thaa kuchh kaminon ko

ek hi rang mein jiine kaa hunar sikhaa hai
ham se har baat pe chehra nahin badlaa jaataa

aaya na phir bhi chaand utar kar zamin par
karte rahe darakht ishaare tamaam raat

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

ye maanaa zindagi hai chaar din ki
bahut hote hain yaaro chaar din bhi

khudi buland ho be-shak yahi thi meri raae
ye kab kahaa thaa ki qavvaal is mein haath lagaae

har samt sabza-zaar bichhaanaa basant kaa
phulon mein rang-o-bu ko luTaanaa basant kaa