dil-e-ushshaaq kyuun na ho raushan — Wali Dakni

tujh lab ki sifat laal-e-badakhshaan suun kahungaa
jaadu hain tire nain ghazaalaan suun kahungaa

raah-e-mazmun-e-taaza band nahin
taa qayaamat khulaa hai baab-e-sukhan

har zarra us ki chashm mein labrez-e-nur hai
dekhaa hai jis ne husn-e-tajalli bahaar kaa

chaahtaa hai is jahaan mein gar bahisht
jaa tamaashaa dekh us rukhsaar kaa

rashk suun tujh labaan ki surkhi par
jigar-e-laala daagh daagh huaa

jise ishq kaa tiir kaari lage
use zindagi kyuun na bhaari lage

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

tu dard bhi duaa bhi tu zakhm bhi davaa bhi
shikve bhi hain tujhi se aur pyaar bhi tujhi se

aql se sirf zehan raushan thaa
ishq ne dil mein raushni ki hai

ishq ne kasrat se jaa ki mujh dil-e-betaab mein
aa bharaa dariyaa-e-aatish qatra-e-simaab mein

aankh bhar ishq aur badan bhar chaah
shukr lab bhar gila zabaan bhar thaa