duur ho kar bhi sunin tum ne hikaayaat-e-vafaa — Yusuf Zafar

saans lene ko hi jiinaa nahin kahte hain 'zafar'
zindagi thi jo tire vasl kaa imkaan hotaa

un ki mahfil mein 'zafar' log mujhe chaahte hain
vo jo kal kahte the divaana bhi saudaai bhi

zahr hai mere rag-o-pai mein mohabbat shaayad
apne hi Dank se bichchhu ki tarah mar jaaun

aa mire chaand raat suuni hai
baat banti nahin sitaaron se

paani ko aag kah ke mukar jaanaa chaahiye
palkon pe ashk ban ke Thahar jaanaa chaahiye

ek bhi aaftaab ban na sakaa
laakh TuuTe hue sitaaron se

ab to kar Daaliye vafaa us ko
vo jo vaada udhaar rahtaa hai

mujh se tu puchhne aayaa hai vafaa ke maani
ye tiri saada-dili maar na Daale mujh ko

tark-e-vafaa ke baa'd ye us ki adaa 'qatil'
mujh ko sataae koi to us ko buraa lage

'ghaalib' hamein na chheD ki phir josh-e-ashk se
baiThe hain ham tahayya-e-tufaan kiye hue

baDh ke tufaan ko aaghosh mein le le apni
Dubne vaale tire haath se saahil to gayaa

phir nigaahon ko aazmaa liije
phir vafaaon pe ishtibaah rahe