aa mire chaand raat suuni hai — Yusuf Zafar

saans lene ko hi jiinaa nahin kahte hain 'zafar'
zindagi thi jo tire vasl kaa imkaan hotaa

un ki mahfil mein 'zafar' log mujhe chaahte hain
vo jo kal kahte the divaana bhi saudaai bhi

zahr hai mere rag-o-pai mein mohabbat shaayad
apne hi Dank se bichchhu ki tarah mar jaaun

paani ko aag kah ke mukar jaanaa chaahiye
palkon pe ashk ban ke Thahar jaanaa chaahiye

ek bhi aaftaab ban na sakaa
laakh TuuTe hue sitaaron se

thak ke patthar ki tarah baiThaa huun raste mein 'zafar'
jaane kab uTh sakun kyaa jaaniye kab ghar jaaun

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

munh chhupaanaa paDe na dushman se
ai shab-e-gham sahar na ho jaae

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

apne mauqe pe har ik baat bhali hoti hai
shab-e-furqat mein ye sadme bhi mazaa dete hain