tark-e-vafaa ke baa'd ye us ki adaa 'qatil' — Qateel Shifai

zindagi main bhi chalungaa tire pichhe pichhe
tu mire dost kaa naqsh-e-kaf-e-paa ho jaanaa

duur tak chhaae the baadal aur kahin saaya na thaa
is tarah barsaat kaa mausam kabhi aayaa na thaa

ab jis ke ji mein aae vahi paae raushni
ham ne to dil jalaa ke sar-e-aam rakh diyaa

yuun barasti hain tasavvur mein puraani yaadein
jaise barsaat ki rim-jhim mein samaan hotaa hai

sitam to ye hai ki vo bhi na ban sakaa apnaa
qubul ham ne kiye jis ke gham khushi ki tarah

kyuun sharik-e-gham banaate ho kisi ko ai 'qatil'
apni suuli apne kaandhe par uThaao chup raho

apni kashti kaa hai khudaa haafiz
pichhe tufaan hai saamne girdaab

is qadar musalsal thiin shiddatein judaai ki
aaj pahli baar us se main ne bevafaai ki

kuchh to majburiyaan rahi hongi
yuun koi bevafaa nahin hotaa

ye jafaaon ki sazaa hai ki tamaashaai hai tu
ye vafaaon ki sazaa hai ki pae-daar huun main

tujh se vafaa na ki to kisi se vafaa na ki
kis tarah intiqaam liyaa apne aap se

aziiz mujh ko hain tufaan saahilon se sivaa
isi liye hai khafaa meraa naakhudaa mujh se