un ki mahfil mein 'zafar' log mujhe chaahte hain — Yusuf Zafar

saans lene ko hi jiinaa nahin kahte hain 'zafar'
zindagi thi jo tire vasl kaa imkaan hotaa

zahr hai mere rag-o-pai mein mohabbat shaayad
apne hi Dank se bichchhu ki tarah mar jaaun

aa mire chaand raat suuni hai
baat banti nahin sitaaron se

paani ko aag kah ke mukar jaanaa chaahiye
palkon pe ashk ban ke Thahar jaanaa chaahiye

ek bhi aaftaab ban na sakaa
laakh TuuTe hue sitaaron se

thak ke patthar ki tarah baiThaa huun raste mein 'zafar'
jaane kab uTh sakun kyaa jaaniye kab ghar jaaun

sabhi se jab mohabbat chaahte ho
mohabbat kyon nahin karte sabhi se

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

namali aur na duudi hai na manshaari hai
nabz-e-bimaar-e-mohabbat ki hai raftaar judaa

pyaar se dushman ke vo aalam tiraa jaataa rahaa
aise lab chuse ki boson kaa mazaa jaataa rahaa

the bayaabaan-e-mohabbat mein jo giryaan aah ham
manzil-e-maqsud ko pahunche tari ki raah ham

kuchh mohabbat ko na thaa chain se rakhnaa manzur
aur kuchh un ki inaayaat ne jiine na diyaa