jo baiThaa hai bagulaa bhagat ki tarah — Zafar Kamali

shauharon se bibayaan laDti hain chhaapa-maar jang
raabta un kaa bhi kyaa kashmir ki vaadi se hai

jo apnaa bhaai hai rahtaa hai vo paanv ki Thokar mein
magar joru kaa bhaai to gale kaa haar hotaa hai

pople munh se chane khaanaa nahin mumkin huzur
aa nahin sakti javaani lauT ke maajun se

ye rishvat ke hain paise din mein kaise luun musalmaan huun
main le saktaa nahin sar apne ye ilzaam roze mein

vo masjid ho ki mandir ho adab ho yaa siyaasat ho
vahi hai jang kursi ki vahi dastaar kaa jhagDaa

vahi suluk zamaane ne mere saath kiyaa
kiyaa thaa jaisaa musharraf ne be-nazir ke saath

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

dil par pahan liyaa hai vo gajre ke jaisaa shakhs
lekin gale kaa haar nahin kar rahaa huun main

ai chaman vaalo chaman mein yuun guzaaraa chaahiye
baaghbaan bhi khush rahe raazi rahe sayyaad bhi

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas