Timeless Urdu Shayari

Dil dhoondta hai phir wahi fursat-e-shab-o-roz
Naaz uthana, naaz uthana, naaz uthana

Hazaaron khwahishein aisi ke har khwahish pe dam nikle
Bahut nikle mere armaan, lekin phir bhi kam nikle

Khudi ko kar buland itna ke har taqdeer se pehle
Khuda bande se khud pooche, bata teri raza kya hai

saare jahaan se achchhaa hindostaan hamaaraa
ham bulbulein hain is ki ye gulsitaan hamaaraa

ab ke ham bichhDe to shaayad kabhi khvaabon mein milein
jis tarah sukhe hue phuul kitaabon mein milein

ye jannat mubaarak rahe zaahidon ko
ki main aap kaa saamnaa chaahtaa huun

kisi ko ghar se nikalte hi mil gai manzil
koi hamaari tarah umr bhar safar mein rahaa

ranjish hi sahi dil hi dukhaane ke liye aa
aa phir se mujhe chhoD ke jaane ke liye aa

tum takalluf ko bhi ikhlaas samajhte ho 'faraaz'
dost hotaa nahin har haath milaane vaalaa

ham se khul jaao ba-vaqt-e-mai-parasti ek din
varna ham chheDeinge rakh kar uzr-e-masti ek din

khudi vo bahr hai jis kaa koi kinaara nahin
tu aabju ise samjhaa agar to chaara nahin

main bhi ruk ruk ke na martaa jo zabaan ke badle
dashna ik tez saa hotaa mire gham-khvaar ke paas

jab bhi dil khol ke roe honge
log aaraam se soe honge

dost-daar-e-dushman hai e'timaad-e-dil maalum
aah be-asar dekhi naala naa-rasaa paayaa

nazzaare ne bhi kaam kiyaa vaan naqaab kaa
masti se har nigah tire rukh par bikhar gai

hain kavaakib kuchh nazar aate hain kuchh
dete hain dhoka ye baazigar khulaa

ghar se masjid hai bahut duur chalo yuun kar lein
kisi rote hue bachche ko hansaayaa jaae

baar-haa dekhi hain un ki ranjishein
par kuchh ab ke sargiraani aur hai

puchhte hain vo ki 'ghaalib' kaun hai
koi batlaao ki ham batlaaein kyaa

dam liyaa thaa na qayaamat ne hanuz
phir tiraa vaqt-e-safar yaad aayaa

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

dekh le is chaman-e-dahr ko dil bhar ke 'nazir'
phir tiraa kaahe ko is baagh mein aanaa hogaa

ab un darichon pe gahre dabiz parde hain
vo taank-jhaank kaa maasum silsila bhi gayaa

jise mol lenaa ho le le khushi se
main is vaqt donon jahaan bechtaa huun

kaan mein hai tere moti aab-daar
yaa kisi aashiq kaa aansu bolnaa