khush hain to phir musaafir-e-duniyaa nahin hain aap — Abbas Qamar

ham hain asir-e-zabt ijaazat nahin hamein
ro paa rahe hain aap badhaai hai roiye

haalat-e-haal se begaana banaa rakkhaa hai
khud ko maazi kaa nihaan-khaana banaa rakkhaa hai

mere kamre mein udaasi hai qayaamat ki magar
ek tasvir puraani si hansaa karti hai

inhein aankhon ne bedardi se be-ghar kar diyaa hai
ye aansu qahqaha banne ki koshish kar rahe the

khamoshi kah rahi hai ab ye do-aabaa ravaan hogaa
havaa chup ho to baarish ke shadid aasaar hote hain

ashkon ko aarzu-e-rihaai hai roiye
aankhon ki ab isi mein bhalaai hai roiye

gham hai na ab khushi hai na ummid hai na yaas
sab se najaat paae zamaane guzar gae

nahin nahin main bahut khush rahaa huun tere baghair
yaqin kar ki ye haalat abhi abhi hui hai

vo rang kaa hujum saa vo khushbuon ki bhiiD si
vo lafz lafz se javaan vo harf harf se hasin

dar-o-divaar pe hasrat se nazar karte hain
khush raho ahl-e-vatan ham to safar karte hain

kamar dhokaa dahan uqda ghazaal aankhein pari chehra
shikam hiiraa badan khushbu jabin dariyaa zabaan iisaa

aaj kal lucknow mein ai 'akhtar'
dhuum hai teri khush-bayaani ki