mere kamre mein udaasi hai qayaamat ki magar — Abbas Qamar

ham hain asir-e-zabt ijaazat nahin hamein
ro paa rahe hain aap badhaai hai roiye

haalat-e-haal se begaana banaa rakkhaa hai
khud ko maazi kaa nihaan-khaana banaa rakkhaa hai

khush hain to phir musaafir-e-duniyaa nahin hain aap
is dasht mein bas aabla-paai hai roiye

inhein aankhon ne bedardi se be-ghar kar diyaa hai
ye aansu qahqaha banne ki koshish kar rahe the

khamoshi kah rahi hai ab ye do-aabaa ravaan hogaa
havaa chup ho to baarish ke shadid aasaar hote hain

ashkon ko aarzu-e-rihaai hai roiye
aankhon ki ab isi mein bhalaai hai roiye

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

rok le ai zabt jo aansu ki chashm-e-tar mein hai
kuchh nahin bigDaa abhi tak ghar ki daulat ghar mein hai

mahv-e-hairat huun kharaash-e-dast-e-gham ko dekh kar
zakhm chehre par hain yaa hai aaina TuuTaa huaa

dil dabaa jaataa hai kitnaa aaj gham ke baar se
kaisi tanhaai Tapakti hai dar o divaar se