tum kyon udaas ho gae maidaan-e-hashr mein — Abr Ahsani Ganauri

vahshiyon ko ye sabaq deti hui aai bahaar
taar baaqi na rahe koi garebaanon mein

ishq mein aur bhi divaana banaa deti hai
meri aavaaz mein mil kar tiri aavaaz mujhe

palaT aataa huun main maayus ho kar un maqaamon se
jahaan se silsila nazdik-tar hotaa hai manzil kaa

shaayad is baat pe lab mere siye jaate hain
aah ke saath nikal jaae na armaan koi

kaun ab kashmakash-e-zist se de mujh ko najaat
kar chukaa hai miraa qaatil nazar-andaaz mujhe

aankhon mein ashk daagh jigar mein labon pe aah
sab kuchh hai paas be-sar-o-saamaan nahin hain ham

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

kaun se dukh ko palle baandhein kis gham ko tahrir karein
yaan to dard sivaa hotaa hai aur bhi arz-e-haal ke baad

kitaab-e-ishq mein har aah ek aayat hai
par aansuon ko huruf-e-muqattiaat samajh

vo aae jaataa hai kab se par aa nahin jaataa
vahi sadaa-e-qadam kaa hai silsila ki jo thaa