is dil ko kisi dast-e-adaa-sanj mein rakhnaa — Afzal Ahmad Syed

kamaan-e-khaana-e-aflaak ke muqaabil bhi
main us se aur vo phir kaj-kulaah mujh se huaa

kamaan-e-shaakh se gul kis hadaf ko jaate hain
nasheb-e-khaak mein jaa kar mujhe khayaal aayaa

main dil ko us ki taghaaful-saraa se le aayaa
aur apne khaana-e-vahshat mein zer-e-daam rakhaa

use ajab thaa ghurur-e-shaguft-e-rukhsaari
bahaar-e-gul ko bahut be-hunar kahaa us ne

yahi bahut the mujhe naan o aab o shama o gul
safar-nazhaad thaa asbaab mukhtasar rakkhaa

kitaab-e-umr se sab harf uD gae mere
ki mujh asiir ko honaa hai ham-kalaam us kaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

dil par pahan liyaa hai vo gajre ke jaisaa shakhs
lekin gale kaa haar nahin kar rahaa huun main

hijr ki shab naala-e-dil vo sadaa dene lage
sunne vaale raat kaTne ki duaa dene lage

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas