aakhiri ummid bhi aankhon se chhalkaae hue — Ajeet Singh Hasrat

pahle vaqton mein ho to ho shaayad
dosti ab hasin gaali hai

abhi kuchh aur tiri justuju rulaaegi
abhi kuchh aur bhaTaknaa hai dar-ba-dar mujh ko

hijr kaa din kyuun chaDhne paae
vasl ki shab tulaani kar do

ban sanvar kar rahaa karo 'hasrat'
us ki paD jaae ik nazar shaayad

bas ek hi balaa hai mohabbat kahein jise
vo paaniyon mein aag lagaati hai aaj bhi

ruThaa yaar manaanaa hai
koi svaang rachaao ab

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ret par ik nishaan hai shaayad
ye hamaaraa makaan hai shaayad