kuchh is tarah ke bahaaron ne gul khilaae hain — Akhtar Muslimi

dehaat ke basne vaale to ikhlaas ke paikar hote hain
ai kaash nai tahzib ki rau shahron se na aati gaanv mein

mire dil pe haath rakh kar mujhe dene vaale taskin
kahin dil ki dhaDkanon se tujhe choT aa na jaae

ek hi anjaam hai ai dost husn o ishq kaa
shama bhi bujhti hai parvaanon ke jal jaane ke baad

fareb-khurda hai itnaa ki mere dil ko abhi
tum aa chuke ho magar intizaar baaqi hai

mere kirdaar mein muzmar hai tumhaaraa kirdaar
dekh kar kyuun miri tasvir khafaa ho tum log

di us ne mujh ko jurm-e-mohabbat ki vo sazaa
kuchh be-qusur log sazaa maangne lage

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

sabza o gul kahaan se aae hain
abr kyaa chiiz hai havaa kyaa hai

qaatil tiri gali bhi badaun se kam nahin
jis ke qadam qadam pe mazaar-e-shahid hai

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

khizaan kaa bhes banaa kar bahaar ne maaraa
mujhe do-rangi-e-lail-o-nahaar ne maaraa