zehn mein ajnabi samton ke hain paikar lekin — Akmal Imaam

fasaad rokne kam-zarf log pahunche hain
gharon mein rah gae raushan zamir jitne the

meraa saaya bhi baDh gayaa mujh se
is saliqe se ghaT gayaa huun main

aarzu Tiis karb tanhaai
khud mein kitnaa simaT gayaa huun main

nai tahqiq ne qatron se nikaale dariyaa
ham ne dekhaa hai ki zarron se zamaane nikle

zindagi ke bahut qarib na jaa
faasla kuchh to apne dhyaan mein rakh

har ek harf se jiine kaa fan numaayaan ho
kuchh is tarah ki ibaarat nisaab mein likhiye

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai