husn ko sharmsaar karnaa hi — Asrarul Haq Majaz

tum ne to hukm-e-tark-e-tamannaa sunaa diyaa
kis dil se aah tark-e-tamannaa kare koi

taskin-e-dil-e-mahzun na hui vo sai-e-karam farmaa bhi gae
is sai-e-karam ko kyaa kahiye bahlaa bhi gae taDpaa bhi gae

Dubo di thi jahaan tufaan ne kashti
vahaan sab the khudaa kyaa naa-khudaa kyaa

yaa to kisi ko jurat-e-didaar hi na ho
yaa phir miri nigaah se dekhaa kare koi

ham arz-e-vafaa bhi kar na sake kuchh kah na sake kuchh sun na sake
yaan ham ne zabaan hi kholi thi vaan aankh jhuki sharmaa bhi gae

tumhin to ho jise kahti hai naakhudaa duniyaa
bachaa sako to bachaa lo ki Dubtaa huun main

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

donon aankhein dil jigar hain ishq hone mein sharik
ye to sab achchhe raheinge mujh par ilzaam aaegaa

namaaz-e-ishq tumhaari qubul ho jaati
agar sharaab se tum ai 'ratan' vazu karte

dhuaan dhuaan hai fazaa raushni bahut kam hai
sabhi se pyaar karo zindagi bahut kam hai

kaar-e-duniyaa ko bhi kaar-e-ishq mein shaamil samajh
is liye ai zindagi teri pata rakhtaa huun main