bastiyon vaale to khud oDh ke patte, soe — Ali Akbar Natiq

koi na rasta naap sakaa hai, ret pe chalne vaalon kaa
agle qadam par miT jaaegaa pahlaa naqsh hamaaraa bhi

hijaab aa gayaa thaa mujh ko dil ke iztiraab par
yahi sabab hai tere dar pe lauT kar na aa sakaa

itnaa aasaan nahin paani se shabihein dhonaa
khud bhi roegaa musavvir ye qayaamat kar ke

sard raaton ki havaa mein uDte patton ke masil
kaun tere shab-navardon ko sambhaale shahr mein

ghubaar-e-shahr mein use na DhunD jo khizaan ki shab
havaa ki raah se milaa, havaa ki raah par gayaa

aadhe peD pe sabz parinde aadhaa peD aasebi hai
kaise khule ye raam-kahaani kaun saa hissa meraa hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

mohabbat karne vaale dard mein tanhaa nahin hote
jo ruThoge kabhi mujh se to apnaa dil dukhaaoge

ibtidaa vo thi ki jiinaa thaa mohabbat mein muhaal
intihaa ye hai ki ab marnaa bhi mushkil ho gayaa

rahne de apni bandagi zaahid
be-mohabbat khudaa nahin miltaa

ham sanam dam tire ishq kaa bhar gae
jal gae bhun gae kaT gae mar gae