kuchh der to Dare tiri jaadugari se ham — Amaan Ali Khan

khush-nasibi hai tumhaari sar pe hai jo maan kaa haath
ham yatimon ko pata hai ye du'aa kyaa chiiz hai

shab-e-gham ki yuun bhi main kartaa huun 'izzat
ye shab 'umr mein mujh se kaafi baDi hai

us ne rakkhaa thaa haath saahil par
tab se dariyaa mein bhi sharaare hain

main ne dafnaae vaaldain apne
mujh se puchho ki hausla kyaa hai

saath jab chhoD gae meraa tum ai kuza-gar
khud ko majburi mein phir khud hi taraashaa main ne

dhuein ne bhinch di chikhein tabhi pata ye chalaa
ki ghar mein ek daricha bahut zaruri hai

be-khud aisaa kiyaa khauf-e-shab-e-tanhaai ne
subah se shama jalaa di tire saudaai ne

ye ku-e-mai-farosh mein raulaa huaa ki raat
dahshat se vaan Thahar na sakaa paa-e-mohtasib

Dar Dar ke jaagte hue kaaTi tamaam raat
galiyon mein tere naam ki itni sadaa lagi

khudaa ke Dar se ham tum ko khudaa to kah nahin sakte
magar lutf-e-khudaa qahr-e-khudaa shaan-e-khudaa tum ho

aataa hai khauf aankh jhapakte hue mujhe
koi falak ke kheme ki rassi na kaaT de

mazra-e-duniyaa mein daanaa hai to Dar kar haath Daal
ek din denaa hai tujh ko daane daane kaa hisaab