bas kahin mohabbat kaa ghar ho aur december ho — Amjad Khan Tajwana

sarhadein mujh ko detin ijaazat agar
phir main makka madina kahaan chhoDtaa

masala jo bhi ho hal ho jaae
tujh ko sochun to ghazal ho jaae

log logon se dosti kar ke
kitnaa saste mein bech dete hain

tere haathon mile agar murshid
chaae piinaa savaab lagtaa hai

munh kabhi ham ne apnon se moDaa nahin
shahr mein bas ke bhi gaanv chhoDaa nahin

'ishq dariyaa mein jab se bahne lagaa
mauj-dar-mauj she'r kahne lagaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

pichhaa kisi tarah ye miraa chhoDtaa nahin
haathon se ishq ke koi jaave kahaan nikal

aatish-e-ishq vo jahannam hai
jis mein firdaus ke nazaare hain

mohabbat ne 'maail' kiyaa har kisi ko
kisi par kisi ko kisi par kisi ko