tere jaate hi ye huaa mahsus — Anjum Ludhianvi

khushbuein phuuT ke roi hongi
gul havaaon mein jo bikhraa hogaa

dhuup nikli hai baarishon ke baad
vo abhi ro ke muskuraae hain

dosti bandagi vafaa-o-khulus
ham ye shama jalaanaa bhuul gae

niind kyuun TuuT gai aakhir-e-shab
kaun mere liye taDpaa hogaa

khud-kushi karne mein bhi naakaam rah jaate hain ham
kaun amrit ghol detaa hai hamaare zahr mein

subh kaa khvaab umr bhar dekhaa
aur phir niind aa gai 'anjum'

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

kabhi aisaa bhi hove hai rote rote
jigar thaam kar muskuraanaa paDe hai

laDki achchhi hai 'alvi'
naam us kaa mar jaanaa hai

maanaa ki is zamin ko na gulzaar kar sake
kuchh khaar kam to kar gae guzre jidhar se ham